„ცაგერის მუნიციპალიტეტის 2025 წლის ბიუჯეტიდან სოციალური დახმარების გაცემისა და მიღების წესის დამტკიცების შესახებ“ ცაგერის მუნიციპალიტეტის საკრებულოს 2024 წლის 25 დეკემბრის №23 დადგენილებაში ცვლილების შეტანის თაობაზე

1. დადგენილებით დამტკიცებულ წესს დაემატოს შემდეგი შინაარსის მუხლი 22¹:

„მუხლი 22¹.  შშმ პირთა თვითდასაქმების  ხელშეწყობის პროგრამა.

1. პროგრამით შეიძლება ისარგებლოს შშმ პირებმა, რომლებიც არიან 18-დან 45 წლის ასაკის. პროგრამაში ჩართვა მოხდეს შშმ პირების უნარების და შესაძლებლობების გათვალისწინებით.

2. პროგრამის მიზანია მოხდეს შშმ პირების ფინანსური მხარდაჭერა, ტრენინგები პროფესიული გადამზადებისა და შესაბამისი ინვენტარის/ტექნიკის შეძენის, საჭირო მასალის შეძენის მიზნით სხვადასხვა პროფესიებში: პოლიგრაფიული მომსახურება, ჭრა-კერვა, საბუღალტრო საქმე  და ა.შ.

3. მერიაში წარსადგენი დოკუმენტებია:

ა) განცხადება მუნიციპალიტეტის მერის სახელზე;

ბ) განმცხადებლის პირადობის მოწმობის ასლი;

გ) შშმ პირის დამადასტურებელი სტატუსი;

დ) მაღალმთიან დასახლებაში მუდმივად მცხოვრები პირის სტატუსის დამადასტურებელი დოკუმენტი;

ე) უნარებისა და ნიჭის დამადასტურებელი ფოტომასალა ან ვიდეოკოლაჟი;’’

2. დადგენილებით დამტკიცებული წესის  27-ე მუხლის მე-12 პუნქტი  ჩამოყალიბდეს შემდეგი რედაქციით:

„12. მე-8 მუხლის პირველი, მე-2 და მე-3 პუნქტებით, მე-9 და 9¹ მუხლებით მოსარგებლე ბენეფიციარებზე დახმარება გაიცეს მერის ბრძანებით.“.

3. დადგენილებით დამტკიცებული წესის 27-ე მუხლს დაემატოს შემდეგი შინაარსის მე-13 პუნქტი:

„13. 22¹ მუხლით მოსარგებლე ბენეფიციარებზე დახმარება გაიცეს „შშმ პირთა საკითხებზე მომუშავე საკოორდინაციო საბჭოს“ გადაწყვეტილებით“.