დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „საქართველოს შინაგან საქმეთა სამინისტროს საჯარო სამართლის იურიდიულ პირ – საზოგადოებრივი უსაფრთხოების მართვის ცენტრ „112“-ში შესული შეტყობინებების პირველადი რეაგირების მიზნით ეროვნული სისტემის შესაბამისი მორეაგირე ორგანოებისთვის გადაცემისა და მათთან კოორდინირებულად მუშაობის წესის დამტკიცების შესახებ“ საქართველოს შინაგან საქმეთა მინისტრის 2020 წლის 6 აპრილის №30 ბრძანებაში ცვლილების შეტანის შესახებ | |
|---|---|
| დოკუმენტის ნომერი | 110 |
| დოკუმენტის მიმღები | საქართველოს შინაგან საქმეთა მინისტრი |
| მიღების თარიღი | 07/11/2025 |
| დოკუმენტის ტიპი | საქართველოს მინისტრის ბრძანება |
| გამოქვეყნების წყარო, თარიღი | ვებგვერდი, 07/11/2025 |
| სარეგისტრაციო კოდი | 140130000.22.034.017639 |
|
„საქართველოს შინაგან საქმეთა სამინისტროს საჯარო სამართლის იურიდიულ პირ – საზოგადოებრივი უსაფრთხოების მართვის ცენტრ „112“-ში შესული შეტყობინებების პირველადი რეაგირების მიზნით ეროვნული სისტემის შესაბამისი მორეაგირე ორგანოებისთვის გადაცემისა და მათთან კოორდინირებულად მუშაობის წესის დამტკიცების შესახებ“ საქართველოს შინაგან საქმეთა მინისტრის 2020 წლის 6 აპრილის №30 ბრძანებაში ცვლილების შეტანის თაობაზე
|
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტისა და „საქართველოს შინაგან საქმეთა სამინისტროს დებულების დამტკიცების შესახებ“ საქართველოს მთავრობის 2013 წლის 13 დეკემბრის №337 დადგენილებით დამტკიცებული დებულების მე-5 მუხლის მე-2 პუნქტის „ა“ და „ნ“ ქვეპუნქტების საფუძველზე, ვბრძანებ:
|
| მუხლი 1 |
„საქართველოს შინაგან საქმეთა სამინისტროს საჯაროს სამართლის იურიდიულ პირ – საზოგადოებრივი უსაფრთხოების მართვის ცენტრ „112“-ში შესული შეტყობინებების პირველადი რეაგირების მიზნით ეროვნული სისტემის შესაბამისი მორეაგირე ორგანოებისთვის გადაცემისა და მათთან კოორდინირებულად მუშაობის წესის დამტკიცების შესახებ“ საქართველოს შინაგან საქმეთა მინისტრის 2020 წლის 6 აპრილის №30 ბრძანებაში (www.matsne.gov.ge, 07/04/2020, სარეგისტრაციო კოდი: 140130000.22.034.016962) შეტანილ იქნეს ცვლილება და ბრძანების პირველი მუხლით დამტკიცებულ წესს დაემატოს შემდეგი შინაარსის 101 მუხლი:
„მუხლი 101 1. საზოგადოებრივი უსაფრთხოების მართვის ცენტრი „112“ უფლებამოსილია განახორციელოს პირველადი სატელეფონო კომუნიკაცია სატრანსპორტო საშუალების მესაკუთრესთან/კანონიერ მფლობელთან, თუ აღნიშნული სატრანსპორტო საშუალება ხელს უშლის სხვა სატრანსპორტო საშუალების გადაადგილებას და ინიციატორი ითხოვს მის გაყვანას, გარდა იმ შემთხვევებისა, როდესაც ეს გამოწვეულია გზის სავალი ნაწილის ჩაკეტვით ან, თუ სატრანსპორტო საშუალება გაჩერებულია „დგომა აკრძალულია“ ან „გაჩერება აკრძალულია“ საგზაო ნიშნის მოქმედების ზონაში. 2. ამ მუხლის პირველი პუნქტით განსაზღვრული მიზნით და შესაბამისი მოცულობით საზოგადოებრივი უსაფრთხოების მართვის ცენტრი „112“ უფლებამოსილია დაამუშაოს სატრანსპორტო საშუალების მესაკუთრესთან/კანონიერ მფლობელთან დაკავშირებული პერსონალური ინფორმაცია, რომელიც დაცულია სამინისტროს საინფორმაციო ბაზებში.“. |
| მუხლი 2 |
ეს ბრძანება ამოქმედდეს გამოქვეყნებისთანავე.
|
|
დოკუმენტის კომენტარები