„წალენჯიხის მუნიციპალიტეტის მერიის დებულების დამტკიცების შესახებ“ წალენჯიხის მუნიციპალიტეტის საკრებულოს 2017 წლის 10 ნოემბრის №39 დადგენილებაში ცვლილების შეტანის თაობაზე

ა) დადგენილებით დამტკიცებული დებულებიდან ამოღებულ იქნეს:

ა.ა) მე-17 მუხლის მე-3 პუნქტის „კ.დ“ ქვეპუნქტი;

ა.ბ) მე-17 მუხლის მე-3 პუნქტის „მ“ ქვეპუნქტი;

ბ) დადგენილებით დამტკიცებული დებულების 22-ე მუხლი ჩამოყალიბდეს შემდეგი რედაქციით:

,,მუხლი 22. მერიის მოხელის გადაყვანა და მობილობა

1. მოხელის  გადაყვანისა და მობილობის დეტალური წესი განისაზღვრება „საჯარო სამსახურის შესახებ“ საქართველოს კანონით და „პროფესიული საჯარო მოხელის მობილობის წესის შესახებ“ საქართველოს მთავრობის 2017 წლის 20 აპრილის №199 დადგენილებით.“.

გ) დებულების 34¹ მუხლის მე-4 პუნქტი ჩამოყალიბდეს ახალი რედაქციით:

„4. ამ მუხლის მიზნებისთვის მერია პერსონალურ მონაცემთა დამუშავებას ახორციელებს უშუალოდ ან უფლებამოსილი პირის მეშვეობით და მკაცრად რეგლამენტირებულად.“;

დ) დებულების 34¹ მუხლს დაემატოს მე-5 პუნქტი:

„5. ამ მუხლის მიზნებისთვის  მერია ასევე მოიცავს  მუნიციპალიტეტის მიერ დაფუძნებულ იურიდიულ პირებს.“;

ე) დებულების 39-ე მუხლი ჩამოყალიბდეს შემდეგი რედაქციით:

„მუხლი 39. რეორგანიზაცია

1. რეორგანიზაცია ხორციელდება საქართველოს კანონის „საჯარო სამსახურის შესახებ“  დადგენილი წესის  შესაბამისად.“.

ვ) დებულებიდან ამოღებულ იქნეს მე-40 მუხლი.