საქართველოს თავდაცვის ძალების რაოდენობის დამტკიცების შესახებ

საქართველოს პარლამენტი ადგენს:

1. დამტკიცდეს საქართველოს თავდაცვის ძალების რაოდენობა (სამხედრო მოსამსახურეთა შტატი) 2026 წელს: არაუმეტეს 37 000 (ოცდაჩვიდმეტი ათასი) სამხედრო მოსამსახურისა.

2. ამ დადგენილების პირველი პუნქტით განსაზღვრული თავდაცვის ძალების რაოდენობის შეზღუდვა არ ვრცელდება საომარი მდგომარეობის ან/და საგანგებო მდგომარეობის დროს, აგრეთვე სარეზერვო სამხედრო სამსახურში გასაწვევი პირების რაოდენობასა და საქართველოს თავდაცვის სამინისტროში არსებულ დროებით შტატებზე.

3. ძალადაკარგულად გამოცხადდეს „საქართველოს თავდაცვის ძალების რაოდენობის დამტკიცების შესახებ“ საქართველოს პარლამენტის 2024 წლის 10 დეკემბრის №46-Iმს-XIმპ დადგენილება (საქართველოს საკანონმდებლო მაცნე (www.matsne.gov.ge), 11.12.2024, სარეგისტრაციო კოდი: 120090000.09.001.016799).

4. ეს დადგენილება ამოქმედდეს 2026 წლის 1 იანვრიდან.