„ინტელექტუალური საკუთრების ობიექტების დაპატენტებასთან, რეგისტრაციასთან და დეპონირებასთან დაკავშირებული მომსახურების საფასურების დამტკიცების შესახებ“ საქართველოს მთავრობის 2010 წლის 3 ივლისის №182 დადგენილებაში ცვლილების შეტანის თაობაზე

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

„ინტელექტუალური საკუთრების ობიექტების დაპატენტებასთან, რეგისტრაციასთან და დეპონირებასთან დაკავშირებული მომსახურების საფასურების დამტკიცების შესახებ“ საქართველოს მთავრობის 2010 წლის 3 ივლისის №182 დადგენილებაში ცვლილების შეტანის თაობაზე
დოკუმენტის ნომერი	544
დოკუმენტის მიმღები	საქართველოს მთავრობა
მიღების თარიღი	16/12/2025
დოკუმენტის ტიპი	საქართველოს მთავრობის დადგენილება
გამოქვეყნების წყარო, თარიღი	ვებგვერდი, 17/12/2025
სარეგისტრაციო კოდი	000000000.10.003.025438

PDF გადმოწერა

„ინტელექტუალური საკუთრების ობიექტების დაპატენტებასთან, რეგისტრაციასთან და დეპონირებასთან დაკავშირებული მომსახურების საფასურების დამტკიცების შესახებ“ საქართველოს მთავრობის 2010 წლის 3 ივლისის №182 დადგენილებაში ცვლილების შეტანის თაობაზე

მუხლი 1

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, „ინტელექტუალური საკუთრების ობიექტების დაპატენტებასთან, რეგისტრაციასთან და დეპონირებასთან დაკავშირებული მომსახურების საფასურების დამტკიცების შესახებ“ საქართველოს მთავრობის 2010 წლის 3 ივლისის №182 დადგენილებაში (სსმ, №80, 06/07/2010) შეტანილ იქნეს ცვლილება და დადგენილების:

1. მე-6 მუხლის პირველი პუნქტი ჩამოყალიბდეს შემდეგი რედაქციით:

„1. ამ დადგენილების პირველი მუხლის პირველი, მე-2 და მე-3 პუნქტებით დადგენილ საფასურებზე, გარდა ამავე დადგენილებით დამტკიცებული დანართ №3-ის 41-ე – 44-ე გრაფებით განსაზღვრული საფასურებისა, განმცხადებელ გამომგონებლებზე, დიზაინერებზე, უმაღლეს საგანმანათლებლო დაწესებულებებსა და დამოუკიდებელ სამეცნიერო-კვლევით ერთეულებზე გავრცელდეს 70%-იანი შეღავათი, ხოლო სტუდენტ, სკოლის მოსწავლე და პენსიონერ განმცხადებელ გამომგონებლებსა და დიზაინერებზე – 90%-იანი შეღავათი.“.

2. დანართ №3-ს („დიზაინის რეგისტრაციასთან დაკავშირებული საფასურები“):

ა) 31-ე გრაფის შემდეგ დაემატოს შემდეგი შინაარსის 31¹ − 31³გრაფები:

„31¹.	ხელახალი ექსპერტიზის ჩატარება ერთ დიზაინზე	200
31².	ხელახალი ექსპერტიზის ჩატარება თითოეულ დამატებით დიზაინზე	20
31³.	წინასწარი ძიების ჩატარება ერთ დიზაინზე	50“;

ბ) მე-40 გრაფის შემდეგ დაემატოს შემდეგი შინაარსის 41-ე – 44-ე გრაფები:

„ჰააგის შეთანხმების საფუძველზე, საერთაშორისო დიზაინის რეგისტრაციის მოქმედების საქართველოს ტერიტორიაზე გავრცელებისათვის განსაზღვრული საფასურები
№	ქმედება	შვეიცარიული ფრანკი (ეკვივალენტი ეროვნულ ვალუტაში)
41.	საერთაშორისო რეგისტრაციის მოქმედების გავრცელება ერთი დიზაინისათვის	90
42.	საერთაშორისო რეგისტრაციის მოქმედების გავრცელება თითოეული დამატებითი დიზაინისათვის	50
43.	საერთაშორისო რეგისტრაციის ძალის შენარჩუნება მომდევნო 5 წლით, ერთი დიზაინისათვის	21
44.	საერთაშორისო რეგისტრაციის ძალის შენარჩუნება ყოველი მომდევნო 5 წლით, თითოეული დამატებითი დიზაინისათვის	1“.

მუხლი 2

1. დადგენილება, გარდა ამ დადგენილების პირველი მუხლის მე-2 პუნქტის „ა“ ქვეპუნქტისა, ამოქმედდეს გამოქვეყნებისთანავე.

2. დადგენილების პირველი მუხლის მე-2 პუნქტის „ა“ ქვეპუნქტი ამოქმედდეს 2026 წლის 1 იანვრიდან.

პრემიერ-მინისტრი ირაკლი კობახიძე