„საქართველოს თავდაცვის სამინისტროს მფლობელობაში არსებული ცეცხლსასროლი იარაღისა და საბრძოლო მასალის შენახვის წესის დამტკიცების შესახებ" საქართველოს თავდაცვის მინისტრის 2017 წლის 10 ივლისის №49 ბრძანებაში ცვლილების შეტანის თაობაზე

1. მე-13 მუხლის მე-5 პუნქტი ჩამოყალიბდეს შემდეგი რედაქციით:

„5. მოსამსახურეზე, სამსახურებრივ მივლინებაში წარგზავნისას, ქვედანაყოფის ხელმძღვანელის (სამსახურებრივ მივლინებაში წარგზავნაზე უფლებამოსილი პირი) ბრძანებით, სამსახურებრივი საჭიროებიდან გამომდინარე, შესაძლებელია გაიცეს იარაღი, საბრძოლო მასალა და აღჭურვილობა. ამ შემთხვევაში მივლინების ბრძანებაში მიეთითება იარაღისა და აღჭურვილობის სახეობა, საქარხნო ნომერი, საბრძოლო მასალების სახეობა და რაოდენობა. სამინისტროს სისტემის ქვედანაყოფებში მივლინების შემთხვევაში იარაღი, საბრძოლო მასალები და აღჭურვილობა საჭიროების შემთხვევაში შეიძლება დროებით შენახვაზე ჩაჰბარდეს ქვედანაყოფის საიარაღო ოთახში. სხვა ქვედანაყოფიდან მოვლენილი მოსამსახურეების იარაღის, საბრძოლო მასალის და აღჭურვილობის დროებითი შენახვისათვის, ქვედანაყოფში გათვალისწინებული უნდა იყოს ცალკე პირამიდა ან პირამიდაში ცალკე ადგილი. იარაღი, საბრძოლო მასალა და აღჭურვილობა დროებით შენახვაზე მიიღება დროებით სარგებლობაში გაცემული და მიღებული მატერიალური საშუალებების აღრიცხვის წიგნით.“.

2. მე-14 მუხლის პირველი პუნქტი ჩამოყალიბდეს შემდეგი რედაქციით:

„1. იარაღის გაცემისა და დაბრუნების კონტროლს ქვედანაყოფში და მის სტრუქტურულ ერთეულებში ახორციელებენ ქვედანაყოფების და სტრუქტურული ერთეულების ხელმძღვანელები.“.

3. მე-20 მუხლის მე-4 პუნქტი ჩამოყალიბდეს შემდეგი რედაქციით:

„4. სიგნალიზაციის სისტემის გამართულ მუშაობაზე უშუალოდ პასუხისმგებელია დასაცავ ობიექტზე პასუხისმგებელი პირი და ქვედანაყოფის ხელმძღვანელი.“.