„ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებაში ცვლილების შეტანის თაობაზე

„2. ხელშეკრულების შესრულების უზრუნველყოფის გარანტიის ოდენობა განისაზღვრება:

ა) ხელშეკრულების ღირებულების 2%-დან 5%-ის ჩათვლით – საქონლის ან მომსახურების შესყიდვის შემთხვევაში;

ბ) ხელშეკრულების ღირებულების 2%-დან 10%-ის ჩათვლით – თუ საქონლის ან მომსახურების შესყიდვის შემთხვევაში, გამარჯვებული პრეტენდენტის მიერ ელექტრონული ვაჭრობის შედეგად დაფიქსირებული წინადადების საბოლოო ფასი 20%-ით ან მეტით ნაკლებია შესყიდვის ობიექტის სავარაუდო ღირებულებაზე, ხოლო სამუშაოს შესყიდვის შემთხვევაში – თუ, გამარჯვებულ პრეტენდენტთან დასადები ხელშეკრულების ღირებულება ნაკლებია 30 000 000 (ოცდაათი მილიონი) ლარზე;

გ) ხელშეკრულების ღირებულების 5%-დან 10%-ის ჩათვლით – თუ სამუშაოს შესყიდვის შემთხვევაში, გამარჯვებულ პრეტენდენტთან დასადები ხელშეკრულების ღირებულება ნაკლებია 30 000 000 (ოცდაათი მილიონი) ლარზე და, ამასთან, გამარჯვებული პრეტენდენტის მიერ ელექტრონული ვაჭრობის შედეგად დაფიქსირებული წინადადების საბოლოო ფასი 20%-ით ან მეტით ნაკლებია შესყიდვის ობიექტის სავარაუდო ღირებულებაზე;

დ) ხელშეკრულების ღირებულების 2%-დან 20%-ის ჩათვლით – თუ სამუშაოს შესყიდვის შემთხვევაში, გამარჯვებულ პრეტენდენტთან დასადები  ხელშეკრულების ღირებულება შეადგენს ან აღემატება 30 000 000 (ოცდაათი მილიონი) ლარს;

ე) ხელშეკრულების ღირებულების 5%-დან 20%-ის ჩათვლით – თუ სამუშაოს შესყიდვის შემთხვევაში, გამარჯვებულ პრეტენდენტთან დასადები ხელშეკრულების ღირებულება შეადგენს ან აღემატება 30 000 000 (ოცდაათი მილიონი) ლარს და, ამასთან, გამარჯვებული პრეტენდენტის მიერ ელექტრონული ვაჭრობის შედეგად დაფიქსირებული წინადადების საბოლოო ფასი 20%-ით ან მეტით ნაკლებია შესყიდვის ობიექტის სავარაუდო ღირებულებაზე.“.