„ელექტროენერგიის გამანაწილებელი ქსელის წესების დამტკიცების შესახებ“ საქართველოს ენერგეტიკისა და წყალმომარაგების მარეგულირებელი ეროვნული კომისიის 2021 წლის 28 ივნისის №19 დადგენილებაში ცვლილების შეტანის შესახებ

ა) მე-13 მუხლის მე-3 პუნქტის „ვ“ ქვეპუნქტს დაემატოს შემდეგი შინაარსის „ზ“ ქვეპუნქტი:

„ზ) კანონმდებლობით პირდაპირ გათვალისწინებულ შემთხვევაში.“;

ბ) მე-20 მუხლის:

ბ.ა) მე-5 პუნქტის „ა“ ქვეპუნქტი ჩამოყალიბდეს შემდეგი რედაქციით:

„ა) თუ გაზრდილი (მოთხოვნილი) სიმძლავრე ან/და მოთხოვნილი ძაბვის საფეხური გადადის გამანაწილებელ ქსელთან ახალი ობიექტის მიერთების სხვა შეთავაზებულ პაკეტში, მომხმარებელმა უნდა გადაიხადოს გამანაწილებელ ქსელთან ახალი ობიექტის მიერთების შესაბამისი პაკეტის საფასურს გამოკლებული ახალი ობიექტის მიერთების იმ შეთავაზებული პაკეტით განსაზღვრული საფასური, რომელიც შეესაბამება მომხმარებლის არსებული მიერთების ტექნიკური პირობით განსაზღვრული მიერთების სიმძლავრეს. იმ შემთხვევაში, თუ მოთხოვნილი მიერთების შესაბამისი პაკეტის საფასური არ აღემატება არსებული სიმძლავრის საფასურს, მომხმარებელმა უნდა გადაიხადოს №4 დანართით დამტკიცებული მრავალფუნქციური ელექტრონული აღრიცხვის სისტემის მოწყობის იმ შეთავაზებული პაკეტის საფასური, რომელიც შეესაბამება მის მიერ მოთხოვნილ ძაბვის საფეხურსა და მისაერთებელ სიმძლავრეს;“;

ბ.ბ) მე-7 პუნქტი ჩამოყალიბდეს შემდეგი რედაქციით:

„7. თუ მომხმარებლის მიერ მოთხოვნილია ისეთი სიმძლავრე, რომელზეც არ ვრცელდება სიმძლავრის გაზრდის საფასური, ასეთ შემთხვევაში, პროცესი უნდა განხორციელდეს იმავე წესითა და პირობებით, როგორც ეს განსაზღვრულია წესების მე-18 მუხლის მე-17 პუნქტით გათვალისწინებულ შემთხვევაში. მიუხედავად იმისა, თუ ვის მიერ ხორციელდება ამ მუხლით გათვალისწინებული სამუშაოები, აღრიცხვის კვანძის მოწყობისა და შეჭრის სამუშაოებზე გადახდილი უნდა იქნეს წესების დანართი №4-ით განსაზღვრული მრავალფუნქციური ელექტრონული აღრიცხვის სისტემის მოწყობის საფასური შეთავაზებული პაკეტების მიხედვით.“;

გ) 24-ე მუხლის მე-15 და მე-16 პუნქტები ჩამოყალიბდეს შემდეგი რედაქციით:

„15. არასტანდარტული პირობით დროებითი მიერთებისას, დროებითი მიერთების მოთხოვნილი ვადა თუ აღემატება 3 კალენდარულ თვეს, დროებითი მიერთების ტექნიკური პირობით გათვალისწინებული სამუშაოების დასრულების შემდეგ მომხმარებელი უფლებამოსილია, თვითონ მოაწყოს აღრიცხვის კვანძი ან მოითხოვოს სისტემის ოპერატორის მიერ აღრიცხვის კვანძის მოწყობის მომსახურება. ტექნიკური პირობით გათვალისწინებული სამუშაოების დასრულების შემდეგ ელექტრომომარაგების დაწყების მოთხოვნით განცხადებით  მიმართავს სისტემის ოპერატორს და აღრიცხვის კვანძის სისტემის ოპერატორის მიერ მოწყობის მოთხოვნის შემთხვევაში ასევე გადაიხდის წესების  №4 დანართით მრავალფუნქციური ელექტრონული აღრიცხვის სისტემის მოწყობის შესაბამისი პაკეტისათვის განსაზღვრულ საფასურს, ხოლო 0,4 კვ ძაბვის საფეხურზე არაუმეტეს 10 კვტ. სიმძლავრით მიერთების შემთხვევაში, ამავე დანართის შესაბამისი პაკეტისათვის განსაზღვრული ჭკვიანი მრიცხველის მოწყობის საფასურს.

16. ამ მუხლის მე-15 პუნქტით გათვალისწინებულ შემთხვევაში, შესაბამისი მოთხოვნის არსებობისას, სისტემის ოპერატორი აღრიცხვის კვანძს მოაწყობს და მომარაგებას დაიწყებს წესების №4 დანართით  განსაზღვრულ ვადაში.“;

დ) 31-ე მუხლის მე-14 პუნქტი ამოღებულ იქნეს;

ე)  „0,220 კვ, 0,380 კვ და 6-10 კვ ძაბვაზე ახალი ობიექტის  გამანაწილებელ ქსელთან მიერთების საფასური“ (დანართი 2) ჩამოყალიბდეს შემდეგი რედაქციით:

„დანართი 2

0,220 კვ, 0,380 კვ და 6-10 კვ ძაბვაზე ახალი ობიექტის  გამანაწილებელ ქსელთან მიერთების საფასური

 0.4 კვ და 6/10 კვ ძაბვის ახალი ობიექტის გამანაწილებელ ქსელთან მიერთების საფასური შეთავაზებული პაკეტის მიხედვით:

ა) ახალი ობიექტის გამანაწილებელ ქსელთან მიერთების განსაზღვრულ ვადაში (პერიოდში) უზრუნველყოფის შემთხვევაში:

ბ)  ერთობლივად ორი ან ორზე მეტი ახალი ობიექტის მიერთების მოთხოვნისას, ახალი ობიექტის გამანაწილებელ ქსელთან მიერთების საფასური განისაზღვრება ამ მუხლის პირველი პუნქტით გათვალისწინებულ საფასურზე თითოეული ახალი ობიექტისთვის დანართი 4-ით განსაზღვრული მრავალფუნქციური ელექტრონული აღრიცხვის სისტემის  მოწყობისთვის შეთავაზებული პაკეტის  საფასურის დამატებით.“;

ვ) „აღრიცხვის კვანძის მოწყობის ვადები და საფასური“ (დანართი 3) ამოღებულ იქნეს;

ზ) „ჭკვიანი მრიცხველის მოწყობის ვადები და საფასური“ (დანართი 4) ჩამოყალიბდეს შემდეგი რედაქციით:

„დანართი 4

აღრიცხვის კვანძის (ჭკვიანი მრიცხველის) მოწყობის ვადები და საფასური

თ) „ელექტროენერგიის გამანაწილებელ ქსელთან მიერთების მეორე ეტაპის საფასური, სისტემის ოპერატორის ქვესადგურში უჯრედის მოწყობის შემთხვევაში“ (დანართი №6) ჩამოყალიბდეს შემდეგი რედაქციით:

„დანართი №6

ელექტროენერგიის გამანაწილებელ ქსელთან მიერთების მეორე ეტაპის საფასური სისტემის ოპერატორის ქვესადგურში უჯრედის მოწყობის  შემთხვევაში

“.