„უცხოელის საქართველოდან გაძევების საკითხის განხილვისა და უცხოელის ან თავშესაფრის მაძიებლის დაკავებისა და დროებითი მოთავსების იზოლატორში ან/და დროებითი განთავსების ცენტრში მოთავსების წესის დამტკიცების შესახებ“ საქართველოს შინაგან საქმეთა მინისტრის 2025 წლის 14 ნოემბრის №112 ბრძანებაში ცვლილების შეტანის თაობაზე

1. 57-ე მუხლის მე-9 პუნქტი ჩამოყალიბდეს შემდეგი რედაქციით:

„9. ცენტრში მოთავსებული უცხოელისთვის უზრუნველყოფილია 24-საათიანი სამედიცინო მომსახურება ცენტრის უფლებამოსილი პირის (ცენტრის სამედიცინო პერსონალის) მიერ, გარდა ამ წესის 61¹ მუხლით გათვალისწინებული შემთხვევისა.“.

2. 61-ე მუხლის შემდეგ დაემატოს შემდეგი შინაარსის 61¹ მუხლი:

„მუხლი 61¹. დეპარტამენტის დროებითი განთავსების სამმართველოს თავშესაფრის მაძიებელთა მიმღები ცენტრის (განყოფილების) შენობის „C“ და „D“ ფლიგელებში არსებული დროებითი განთავსების ცენტრის სივრცე

1. საქართველოდან გაძევების მიზნით დაკავებული უცხოელი ცენტრში ადგილების არარსებობის ან/და სხვა გარემოებების გათვალისწინებით, შეიძლება განთავსდეს დეპარტამენტის დროებითი განთავსების სამმართველოს თავშესაფრის მაძიებელთა მიმღები ცენტრის (განყოფილების) (შემდგომ − მიმღები ცენტრი) შენობის „C“ ან/და „D“ ფლიგელში.

2. მიმღები ცენტრის შენობის „C“ ან/და „D“ ფლიგელში უცხოელი თავსდება პირადი დათვალიერების, დაქტილოსკოპიური მონაცემების აღებისა და სამედიცინო შემოწმების შემდგომ. მიმღებ ცენტრში მოთავსების დროს სამედიცინო შემოწმებისას დამატებით ივსება შესაბამისი ოქმი.

3. მიმღები ცენტრის შენობის „C“ ან/და „D“ ფლიგელში მოთავსებული უცხოელი სარგებლობს ამ წესით განსაზღვრული უფლებებითა და მოვალეობებით შესაბამისი ინფრასტრუქტურის გათვალისწინებით.

4. მიმღები ცენტრის შენობის „C“ ან/და „D“ ფლიგელში მოთავსებული უცხოელისთვის უზრუნველყოფილია სამედიცინო მომსახურება ცენტრის უფლებამოსილი პირის (ცენტრის სამედიცინო პერსონალის) მიერ სამუშაო საათების განმავლობაში, ხოლო დანარჩენ პერიოდში, საჭიროების შემთხვევაში, უზრუნველყოფილი იქნება სასწრაფო-სამედიცინო დახმარების ბრიგადის გამოძახება.

5. მიმღები ცენტრის შენობის „C“ ან/და „D“ ფლიგელში არსებული წესრიგისა და უსაფრთხოების დაცვას უზრუნველყოფს დეპარტამენტის დროებითი განთავსების სამმართველო.

6. დეპარტამენტის დირექტორი უფლებამოსილია დამატებით ინდივიდუალური ადმინისტრაციულ-სამართლებრივი აქტით დაარეგულიროს მიმღები ცენტრის შენობის „C“ ან/და „D“ ფლიგელში არსებული ცენტრის ფუნქციონირებას მიკუთვნებული სხვა დამატებითი საკითხები.“.