„ახალგაზრდა მეცნიერთა კვლევების გრანტით დაფინანსების წესის და პირობების დამტკიცების შესახებ“ საქართველოს განათლებისა და მეცნიერების მინისტრის 2015 წლის 13 ოქტომბრის №135/ნ ბრძანებაში ცვლილების შეტანის თაობაზე

1. მე-3 მუხლის მე-2 პუნქტი ჩამოყალიბდეს შემდეგი რედაქციით:

„2. კონკურსის ფარგლებში დაფინანსდება პროექტები ევროპული კვლევების საბჭოს (European Research Council - ERC) კლასიფიკაციით დადგენილ შემდეგ სამეცნიერო მიმართულებებში:

ა) ზუსტი და საბუნებისმეტყველო მეცნიერებები;

ბ) ინჟინერია და ტექნოლოგიები;

გ) სამედიცინო და ჯანმრთელობის მეცნიერებები;

დ) აგრარული მეცნიერებები;

ე) სოციალური მეცნიერებები;

ვ) ჰუმანიტარული მეცნიერებები.“.

2. მე-4 მუხლის „ე“ ქვეპუნქტი ჩამოყალიბდეს შემდეგი რედაქციით:

,,ე) კონსულტანტი – პირი, რომელსაც გააჩნია კვლევითი პროექტის კონკრეტული სამეცნიერო, მეთოდოლოგიური, ტექნიკური ან გამოყენებითი ასპექტების შესაბამისი სპეციალიზებული ექსპერტიზა/ცოდნა, პროფესიული კომპეტენციები და პრაქტიკული გამოცდილება და რომელიც სამეცნიერო კონსულტირებას უწევს ახალგაზრდა მეცნიერს კვლევის პროცესში სამეცნიერო/აკადემიური ზედამხედველობის, პროექტის მართვისა და კვლევების შედეგებზე პასუხისმგებლობის აღების გარეშე.“.