„საქართველოს შინაგან საქმეთა სამინისტროს მოსამსახურეთა სოციალური დაცვისა და მატერიალური უზრუნველყოფის განსაზღვრის წესის დამტკიცების შესახებ“ საქართველოს შინაგან საქმეთა მინისტრის 2013 წლის 31 დეკემბრის №997 ბრძანებაში ცვლილების შეტანის თაობაზე

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

„საქართველოს შინაგან საქმეთა სამინისტროს მოსამსახურეთა სოციალური დაცვისა და მატერიალური უზრუნველყოფის განსაზღვრის წესის დამტკიცების შესახებ“ საქართველოს შინაგან საქმეთა მინისტრის 2013 წლის 31 დეკემბრის №997 ბრძანებაში ცვლილების შეტანის თაობაზე
დოკუმენტის ნომერი	29
დოკუმენტის მიმღები	საქართველოს შინაგან საქმეთა მინისტრი
მიღების თარიღი	04/03/2026
დოკუმენტის ტიპი	საქართველოს მინისტრის ბრძანება
გამოქვეყნების წყარო, თარიღი	ვებგვერდი, 05/03/2026
სარეგისტრაციო კოდი	140130000.22.034.017686

PDF გადმოწერა

„საქართველოს შინაგან საქმეთა სამინისტროს მოსამსახურეთა სოციალური დაცვისა და მატერიალური უზრუნველყოფის განსაზღვრის წესის დამტკიცების შესახებ“ საქართველოს შინაგან საქმეთა მინისტრის 2013 წლის 31 დეკემბრის №997 ბრძანებაში ცვლილების შეტანის თაობაზე

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტისა და „საქართველოს შინაგან საქმეთა სამინისტროს დებულების დამტკიცების შესახებ“ საქართველოს მთავრობის 2013 წლის 13 დეკემბრის №337 დადგენილებით დამტკიცებული დებულების მე-5 მუხლის მე-2 პუნქტის „ა“ და „ნ“ ქვეპუნქტების საფუძველზე, ვბრძანებ:

მუხლი 1

„საქართველოს შინაგან საქმეთა სამინისტროს მოსამსახურეთა სოციალური დაცვისა და მატერიალური უზრუნველყოფის განსაზღვრის წესის დამტკიცების შესახებ“ საქართველოს შინაგან საქმეთა მინისტრის 2013 წლის 31 დეკემბრის №997 ბრძანებაში (www.matsne.gov.ge, 31/12/2013, 140130000.22.034.016248) შეტანილ იქნეს ცვლილება და ბრძანებით დამტკიცებულ წესს:

1. 15¹ მუხლის შემდეგ დაემატოს შემდეგი შინაარსის 15² მუხლი:

„მუხლი 15²

1. სამინისტროს მოსამსახურეებს, მათ შორის, შრომითი ხელშეკრულებით დასაქმებულ პირებსა და გამოსაცდელი ვადით დანიშნულ მოსამსახურეებს, ეძლევათ ერთჯერადი ფულადი დახმარება 1750 (ათას შვიდას ორმოცდაათი) ლარის ოდენობით შემდეგ შემთხვევებში:

ა) დაქორწინება;

ბ) შვილის შეძენა/საქართველოს კანონმდებლობით დადგენილი წესით არასრულწლოვნის შვილად აყვანა;

გ) ოჯახის წევრის (მეუღლე, შვილი, დედა, მამა) გარდაცვალება.

2. ამ მუხლის პირველი პუნქტით გათვალისწინებული ფულადი დახმარება გაიცემა სამინისტროს შესაბამისი სტრუქტურული ქვედანაყოფის, ტერიტორიული ორგანოს ან სასაზღვრო პოლიციის ხელმძღვანელისათვის წარდგენილი პატაკისა და შესაბამისი დოკუმენტაციის (ქორწინების მოწმობის ასლი, დაბადების მოწმობის ასლი, შვილად აყვანის შესახებ სასამართლოს გადაწყვეტილება, გარდაცვალების მოწმობის ასლი, ნამსახურობის შესახებ ცნობა) საფუძველზე.

3. ამ მუხლის მე-2 პუნქტით გათვალისწინებულ შემთხვევაში, სამინისტროს შესაბამისი სტრუქტურული ქვედანაყოფის, ტერიტორიული ორგანოს ან სასაზღვრო პოლიციის ხელმძღვანელი უზრუნველყოფს მისდამი დაქვემდებარებულ მოსამსახურეებზე ამ მუხლის პირველი პუნქტით განსაზღვრული ერთჯერადი ფულადი დახმარების გაცემას.

4. სამინისტროს ეკონომიკური დეპარტამენტის, სამინისტროს საპატრულო პოლიციის დეპარტამენტის, სამინისტროს ტერიტორიული ორგანოსა და სასაზღვრო პოლიციის ხელმძღვანელი ამ წესის №1 დანართის შესაბამისად გაცემული ფულადი დახმარების შესახებ აცნობებს სამინისტროს ადამიანური რესურსების მართვის დეპარტამენტს ფულადი დახმარების გაცემიდან არაუგვიანეს 1 თვისა.

5. ამ მუხლის პირველი პუნქტით გათვალისწინებული ერთჯერადი ფულადი დახმარება გაიცემა იმ შემთხვევაში, თუ მოსამსახურეს სამინისტროს სისტემაში აქვს არანაკლებ 2 წლის ნამსახურობა.“.

2. დაემატოს №1 დანართი თანდართული სახით.

მუხლი 2

ეს ბრძანება ამოქმედდეს გამოქვეყნებისთანავე.

საქართველოს შინაგან საქმეთა მინისტრი გელა გელაძე