,,ქალაქ თბილისის მუნიციპალიტეტის მერიის საჯარო სამართლის იურიდიული პირის - ცხოველთა მონიტორინგის სააგენტოს მიერ გაწეული ცალკეული მომსახურების საფასურის განსაზღვრის წესის შესახებ“ ქალაქ თბილისის მუნიციპალიტეტის საკრებულოს 2015 წლის 29 დეკემბრის №33-141 დადგენილებაში ცვლილების შეტანის თაობაზე

1. მე-5 მუხლის მე-2 პუნქტი ჩამოყალიბდეს შემდეგი რედაქციით:

„2. სააგენტოს მიერ პირის საკუთრებაში/მფლობელობაში არსებული ცხოველების ერთჯერადი ტრანსპორტირების  საფასური შეადგენს:

ა) ძაღლის, კატის შემთხვევაში – 2  ლარს – 1 კილომეტრის მანძილზე, დამატებული ტრანსპორტის ერთჯერადი დეზინფექციის საფასური – 5  ლარი;

ბ) წვრილფეხა პირუტყვის შემთხვევაში – 4 ლარს – 1 კილომეტრის მანძილზე, დამატებული ტრანსპორტის ერთჯერადი დეზინფექციის საფასური – 5 ლარი;

გ) მსხვილფეხა პირუტყვის შემთხვევაში – 6 ლარს –1 კილომეტრის მანძილზე, დამატებული ტრანსპორტის ერთჯერადი დეზინფექციის საფასური –  10 ლარი.“.

2. მე-5 მუხლს დაემატოს შემდეგი შინაარსის 2¹ პუნქტი:

„2¹. სააგენტოს მიერ პირის საკუთრებაში/მფლობელობაში არსებული ცხოველების ლეშის ერთჯერადი ტრანსპორტირების  საფასური შეადგენს:

ა) ერთი ერთეული ძაღლის შემთხვევაში 60 ლარს, კატის შემთხვევაში – 40 ლარს, დამატებული ტრანსპორტის ერთჯერადი დეზინფექციის საფასური – 5 ლარი;

ბ) ერთი ერთეული წვრილფეხა პირუტყვის შემთხვევაში – 60 ლარს, დამატებული ტრანსპორტის ერთჯერადი დეზინფექციის საფასური – 5 ლარი;

გ) ერთი ერთეული მსხვილფეხა პირუტყვის შემთხვევაში – 180 ლარს, დამატებული ტრანსპორტის ერთჯერადი დეზინფექციის საფასური – 20 ლარი.“.

3. მე-6 მუხლის:

ა) პირველი პუნქტის „გ“ ქვეპუნქტი ჩამოყალიბდეს შემდეგი რედაქციით:

„გ) საჭდის („საყურე ნიშნის“) მიმაგრებას.“;

ბ)  მე-2 პუნქტის „გ“ ქვეპუნქტი ჩამოყალიბდეს შემდეგი რედაქციით:

„გ) საჭდის მიმაგრება:

გ.ა) თავშესაფარში – 3 ლარი;

გ.ბ) მისამართზე –16 ლარი.“;

გ) მე-4 პუნქტი ამოღებულ იქნეს.

4. 6¹ მუხლის მე-4 პუნქტი ჩამოყალიბდეს შემდეგი რედაქციით:

„4. სააგენტოს მიერ ცხოველების დაჭერა-გაყვანის საფასური განისაზღვრება შემდეგნაირად:

ა) ძაღლის დაჭერა-გაყვანა –  60 ლარი;

ბ) კატის დაჭერა-გაყვანა –  50 ლარი; 

გ) მსხვილფეხა პირუტყვის დაჭერა-გაყვანა – 150 ლარი;

დ) წვრილფეხა პირუტყვის დაჭერა-გაყვანა –100 ლარი.“.

5. 6² მუხლის:

ა) მე-4 პუნქტის „გ“ და „დ“ ქვეპუნქტები ამოღებულ იქნეს;

ბ) მე-6 პუნქტი ჩამოყალიბდეს შემდეგი რედაქციით:

„6. სააგენტოს მიერ რეპელენტით ტერიტორიის დამუშავების საფასური, სამუშაოების კატეგორიების მიხედვით, ერთი კვადრატული მეტრის ფართობზე განისაზღვრება შემდეგნაირად:

ა) პირველი კატეგორიის სამუშაოები –   1 ლარი;

ბ) მეორე კატეგორიის სამუშაოები –  2 ლარი:“;

გ) მე-7 პუნქტი ჩამოყალიბდეს შემდეგი რედაქციით:

„7. სააგენტოს მიერ ამ მუხლის მიზნებისთვის ქვეწარმავლების დაჭერის საფასური შეადგენს 30 ლარს  ერთ დაჭერილ ქვეწარმავალზე.“.

6. 6³ მუხლის მე-2 პუნქტი ჩამოყალიბდეს შემდეგი რედაქციით:

„2. სააგენტოს მიერ ვეტერინარული მომსახურების საფასური განისაზღვრება შემდეგნაირად:

ა) სტერილიზაციის ოპერაცია –  100 ლარი;

ბ) კასტრაციის ოპერაცია –  80 ლარი;

გ) ანტირაბიული ვაქცინაცია:

გ.ა) თავშესაფარში –  20 ლარი;

გ.ბ) მისამართზე –  40 ლარი;

დ) კომპლექსური ვაქცინაცია:

დ.ა) თავშესაფარში –  30 ლარი;

დ.ბ) მისამართზე –  50 ლარი.“.