„სახიფათო ტვირთის გადაზიდვის სპეციალისტის სწავლების განმახორციელებელი პირის სტატუსის აღიარების, შეჩერებისა და გაუქმების წესისა და პირობების დამტკიცების შესახებ“ საჯარო სამართლის იურიდიული პირის – სარკინიგზო ტრანსპორტის სააგენტოს დირექტორის 2026 წლის 27 თებერვლის №1-1/28 ბრძანებაში ცვლილების შეტანის თაობაზე

1. მე-4 მუხლის მე-2 პუნქტი ჩამოყალიბდეს შემდეგი რედაქციით:

„2. სწავლების განმახორციელებელი პირი ვალდებულია სააგენტოს მიაწოდოს ინფორმაცია სახიფათო ტვირთის გადაზიდვის სპეციალისტის სწავლების შესაბამისი სასწავლო პროგრამის განხორციელების პროცესში ყოველკვირეული სასწავლო ცხრილის შესახებ.“.

2. მე-6 მუხლის მე-3 პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) სწავლების განმახორციელებელი პირის სტატუსის განახლებიდან 12 თვის განმავლობაში, თუ კვლავ დადგინდა იგივე მიზეზი, რაც გახდა სწავლების განმახორციელებელი პირის სტატუსის შეჩერების საფუძველი;“.

3. მე-7 მუხლი ჩამოყალიბდეს შემდეგი რედაქციით:

„მუხლი 7. სწავლების განმახორციელებელი პირის სტატუსის განახლება

სააგენტო სწავლების განმახორციელებელი პირის შეჩერებულ სტატუსს განაახლებს შემდეგ შემთხვევებში:

ა) სწავლების განმახორციელებელი პირის სტატუსის შეჩერების მიზეზის გამოსწორების შემთხვევაში, რაც დასტურდება სააგენტოში შესაბამისი მტკიცებულებების წარმოდგენის მეშვეობით;

ბ) სწავლების განმახორციელებელი პირის სტატუსის განახლების მიზნით სწავლების განმახორციელებელი პირის მიმართვის შემთხვევაში, თუ სტატუსის შეჩერება გამოწვეული იყო სწავლების განმახორციელებელი პირის მოთხოვნით.“.

4. დანართი ჩამოყალიბდეს თანდართული რედაქციით.