ქალაქ ბათუმში, წმინდა ანდრია პირველწოდებულის გზატკეცილი №124/წმინდა ანდრია პირველწოდებულის გზატკეცილი IX ჩიხი №4/წმინდა ანდრია პირველწოდებულის გზატკეცილი №124ა/წმინდა ანდრია პირველწოდებულის გზატკეცილი №126/დასახლება სარფში მდებარე მიწის ნაკვეთებზე (05.36.26.867, 05.36.26.950, 05.36.26.329, 05.36.26.047) წარმოდგენილ გეგმარებით ერთეულზე განაშენიანების დეტალური გეგმის დამტკიცების შესახებ

საქართველოს ორგანული კანონის „ადგილობრივი თვითმმართველობის კოდექსი“ მე-16 მუხლის მე-2 პუნქტის „ე“ ქვეპუნქტის, 24-ე მუხლის პირველი პუნქტის „გ.ე“ ქვეპუნქტის, საქართველოს კანონის „საქართველოს სივრცის დაგეგმარების, არქიტექტურული და სამშენებლო საქმიანობის კოდექსი“ 41-ე და 43-ე მუხლების და საქართველოს მთავრობის 2019 წლის 3 ივნისის №260 დადგენილებით დამტკიცებული „სივრცის დაგეგმარებისა და ქალაქთმშენებლობითი გეგმების შემუშავების წესის“ მე-19 მუხლის მე-3 პუნქტის შესაბამისად, ქალაქ ბათუმის მუნიციპალიტეტის საკრებულო ადგენს:

ქალაქ ბათუმში, წმინდა ანდრია პირველწოდებულის გზატკეცილი №124/წმინდა ანდრია პირველწოდებულის გზატკეცილი IX ჩიხი №4/წმინდა ანდრია პირველწოდებულის გზატკეცილი №124ა/წმინდა ანდრია პირველწოდებულის გზატკეცილი №126/დასახლება სარფში მდებარე მიწის ნაკვეთებზე (ს/კ 05.36.26.867, 05.36.26.950, 05.36.26.329, 05.36.26.047 წარმოდგენილ გეგმარებით ერთეულზე დამტკიცდეს  განაშენიანების დეტალური გეგმა, თანახმად დანართისა.

განაშენიანების დეტალური გეგმის საფუძველზე, განაშენიანების ინტენსივობის კოეფიციენტის (კ-2) გადამეტების მაკომპენსირებელ ღონისძიებად განისაზღვროს მიწის ნაკვეთებზე დაგეგმილი მშენებლობის (შეთანხმებული პროქტის მიხედვით გადამეტებული) კ(1/2) მაჩვენებლის 10%-ს ოდენობის საცხოვრებელი ფართის ქალაქ ბათუმის მუნიციპალიტეტის საკუთრებაში გადაცემით ან საპროექტო არეალში საცხოვრებელი ბინა ერთეულ(ებ)ის მუნიციპალიტეტის საკუთრებაში ე.წ. „თეთრი კარკასული“ მდგომარეობით გადასაცემი ფართის ოდენობის შესაბამისი ფასის მშენებლობის ნებართვის აღებამდე მუნიციპალიტეტის ბიუჯეტში გადახდით, რომელიც განისაზღვრება მშენებლობის ნებართვის მაძიებლის მიერ წარმოდგენილი აუდიტორული დასკვნის (აუდიტორული დასკვნა შედგენილი უნდა იყოს იმ აუდიტორული ფირმის მიერ, რომელსაც საქართველოს კანონმდებლობის შესაბამისად მინიჭებული აქვს საზოგადოებრივი დაინტერესების პირის (სდპ) – აუდიტის უფლებამოსილება) საფუძველზე დადგენილი თვითღირებულების შესაბამისად, ასეთ შემთხვევაში საცხოვრებელი ბინა ერთეულ(ებ)ის ფართი განისაზღვროს საცხოვრებელი ფუნქციის დასაშვები განაშენიანების ინტენსივობის კოეფიციენტის გადამეტებით ნამატი ფართის 4%-ის ოდენობით.

განემარტოს შპს „ლიცის“ (ს/№448404423), რომ იგი ვალდებულია განაშენიანების დეტალური გეგმის პროექტირების ეტაპზე გაითვალისწინოს აჭარის ავტონომიური რესპუბლიკის ფინანსთა და ეკონომიკის სამინისტროს 2026 წლის 23 მარტის №01-01-10/1448 წერილით დადგენილი პირობები.

დადგენილება ამოქმედდეს გამოქვეყნებისთანავე.