„ჭიათურის მუნიციპალიტეტის ბიუჯეტიდან სოციალური დახმარების გაცემისა და მიღების წესის დამტკიცების შესახებ“ ჭიათურის მუნიციპალიტეტის საკრებულოს 2018 წლის 26 იანვრის №18 დადგენილებაში ცვლილების შეტანის თაობაზე

ა) დადგენილების პირველი მუხლით დამტკიცებული „ჭიათურის მუნიციპალიტეტის ბიუჯეტიდან სოციალური დახმარების გაცემისა და მიღების წესის“ მე-2  მუხლის მე-3 პუნქტის „ა“ ქვეპუნქტი და ჩამოყალიბდეს შემდეგი რედაქციით:

„ა) ამ მუხლის პირველი პუნქტის „ბ“ ქვეპუნქტით განსაზღვრული სამედიცინო მომსახურების დაფინანსება მუნიციპალიტეტის მხრიდან განხორცილედება ბენეფიციარის მიერ გადასახდელი თანხის 50%-ით, წლის განმავლობაში არაუმეტეს 500 ლარის ოდენობით;“;

ბ) დადგენილების პირველი მუხლით დამტკიცებული „ჭიათურის მუნიციპალიტეტის ბიუჯეტიდან სოციალური დახმარების გაცემისა და მიღების წესის“ მე-2  მუხლის მე-4 პუნქტი ჩამოყალიბდეს შემდეგი რედაქციით:

„4. ამ მუხლის მე-2 პუნქტით განსაზღვრულმა ბენეფიციარმა, რომელსაც უნდა ჩაუტარდეს ამ მუხლის პირველი პუნქტით განსაზღვრული დაგეგმილი სამედიცინო მომსახურება ან აღნიშნული ბენეფიციარის ოჯახის სრულუფლებიანმა წარმომადგენელმა (ოჯახის სრულწლოვანი წევრი ან მეურვე/ზედამხედველი) ჭიათურის მუნიციპალიტეტის მერიაში უნდა წარმოადგინოს:

ა) წერილობითი განცხადება;

ბ) განმცხადებლის ან/და ბენეფიციარის პირადობის დამადასტურებელი დოკუმენტი (ცნობა ჭიათურის მუნიციპალიტეტის ტერიტორიაზე ბენეფიციარის რეგისტრაციის ადგილის შესახებ);

გ) მიმდინარე პერიოდის ცნობა ჯანმრთელობის მდგომარეობის შესახებ (ფორმა №IV-100/ა);

დ) მეურვის/მზრუნველის (ასეთის არსებობის შემთხვევაში) დამადასტურებელი დოკუმენტი;

ე) სამედიცინო მომსახურების მიმწოდებლის მიერ გაცემული წინასწარი ხარჯთაღრიცხვის დოკუმენტი (ინვოისი);

ვ) საყოველთაო ჯანდაცვის სერვისცენტრის ან/და კერძო სადაზღვევო კომპანიის მიერ გაცემული დოკუმენტი, რომელშიც ასახული იქნება სახელმწიფო ან კერძო სადაზღვევო პროგრამის ფარგლებში ასანაზღაურებელი და ბენეფიციარის მიერ გადასახდელი თანხა;

ზ) საბანკო ანგარიშის ნომერი და სხვა დამატებითი დოკუმენტაცია ჭიათურის მუნიციპალიტეტის მერიის მოთხოვნის შესაბამისად;

თ) ცნობა ჭითურის მუნიციპალიტეტის ტერიტორიაზე სულ მცირე 1 წლით რეგისტრაციის შესახებ;“;

გ) დადგენილების პირველი მუხლით დამტკიცებული „ჭიათურის მუნიციპალიტეტის ბიუჯეტიდან სოციალური დახმარების გაცემისა და მიღების წესის“ მე-2 მუხლს დაემატოს შემდეგი შინაარსის 4¹ პუნქტი:

„4¹. ამ მუხლის მე-2 პუნქტით განსაზღვრულმა იმ ბენეფიციარმა, რომელსაც უნდა ჩაუტარდეს ამ მუხლის პირველი პუნქტით განსაზღვრული გადაუდებელი სამედიცინო მომსახურება ან აღნიშნული ბენეფიციარის ოჯახის სრულუფლებიანმა წარმომადგენელმა (ოჯახის სრულწლოვანი წევრი ან მეურვე/ზედამხედველი) ჭიათურის მუნიციპალიტეტის მერიაში უნდა წარმოადგინოს:

ა) წერილობითი განცხადება;

ბ) განმცხადებლის ან/და ბენეფიციარის პირადობის დამადასტურებელი დოკუმენტი (ცნობა ჭიათურის მუნიციპალიტეტის ტერიტორიაზე ბენეფიციარის რეგისტრაციის ადგილის შესახებ);

გ) მიმდინარე პერიოდის ცნობა ჯანმრთელობის მდგომარეობის შესახებ (ფორმა №IV-100/ა);

დ) მეურვის/მზრუნველის (ასეთის არსებობის შემთხვევაში) დამადასტურებელი დოკუმენტი;

ე) სამედიცინო მომსახურების მიმწოდებლის მიერ გაცემული წინასწარი ხარჯთაღრიცხვის დოკუმენტი (ინვოისი);

ვ) საყოველთაო ჯანდაცვის სერვისცენტრის ან/და კერძო სადაზღვევო კომპანიის მიერ გაცემული დოკუმენტი, რომელშიც ასახული იქნება სახელმწიფო ან კერძო სადაზღვევო პროგრამის ფარგლებში ასანაზღაურებელი და ბენეფიციარის მიერ გადასახდელი თანხა;

ზ) საბანკო ანგარიშის ნომერი და სხვა დამატებითი დოკუმენტაცია ჭიათურის  მუნიციპალიტეტის მერიის მოთხოვნის შესაბამისად;

თ) ცნობა ჭითურის მუნიციპალიტეტის ტერიტორიაზე სულ მცირე 1 წლით რეგისტრაციის შესახებ ან მუნიციპალიტეტის შესაბამის ადმინისტრაციულ ერთეულში მერის წარმომადგენლის მოკვლევის აქტი ბენეფიციარის ჭიათურის მუნიციპალიტეტის ტერიტორიაზე სულ მცირე 1 წლით ფაქტობრივი ცხოვრების ფაქტის დადგენის შესახებ;

ი) ამ მუხლის პირველი პუნქტით განსაზღვრული გადაუდებელი სამედიცინო მომსახურების საჭიროების ან გადაუდებელი სამედიცინო მომსახურების ჩატარების დამადასტურებელი დოკუმენტაცია;“.