„სოციალური რეაბილიტაციისა და ბავშვზე ზრუნვის 2026 წლის სახელმწიფო პროგრამის დამტკიცების თაობაზე“ საქართველოს მთავრობის 2025 წლის 30 დეკემბრის №640 დადგენილებაში ცვლილების შეტანის შესახებ

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

„სოციალური რეაბილიტაციისა და ბავშვზე ზრუნვის 2026 წლის სახელმწიფო პროგრამის დამტკიცების თაობაზე“ საქართველოს მთავრობის 2025 წლის 30 დეკემბრის №640 დადგენილებაში ცვლილების შეტანის შესახებ
დოკუმენტის ნომერი	329
დოკუმენტის მიმღები	საქართველოს მთავრობა
მიღების თარიღი	17/07/2026
დოკუმენტის ტიპი	საქართველოს მთავრობის დადგენილება
გამოქვეყნების წყარო, თარიღი	ვებგვერდი, 20/07/2026
სარეგისტრაციო კოდი	280120000.10.003.025878

PDF გადმოწერა

„სოციალური რეაბილიტაციისა და ბავშვზე ზრუნვის 2026 წლის სახელმწიფო პროგრამის დამტკიცების თაობაზე“ საქართველოს მთავრობის 2025 წლის 30 დეკემბრის №640 დადგენილებაში ცვლილების შეტანის შესახებ

მუხლი 1

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, „სოციალური რეაბილიტაციისა და ბავშვზე ზრუნვის 2026 წლის სახელმწიფო პროგრამის დამტკიცების თაობაზე“ საქართველოს მთავრობის 2025 წლის 30 დეკემბრის №640 დადგენილებაში (www.matsne.gov.ge, 31/12/2025, 280120000.10.003.025534) შეტანილ იქნეს ცვლილება და დადგენილებით დამტკიცებული:

1. №1 დანართის („სოციალური რეაბილიტაციის 2026 წლის სახელმწიფო პროგრამა“):

ა) მე-2 მუხლი ჩამოყალიბდეს შემდეგი რედაქციით:

„მუხლი 2. პროგრამით გათვალისწინებული ქვეპროგრამები (კომპონენტები)

პროგრამით, რომლის ბიუჯეტი შეადგენს 39 400 000 ლარს, გათვალისწინებული ქვეპროგრამებია (კომპონენტებია):

დანართის №	ქვეპროგრამის/კომპონენტის დასახელება	ლარი
1.1	შშმ პირთა დამოუკიდებელი ცხოვრების ხელშეწყობის ქვეპროგრამა	5 000 000
1.1.1	დღის ცენტრებში მომსახურებით უზრუნველყოფის (შშმ პირები) კომპონენტი	4 539 200
1.1.2	შეზღუდული შესაძლებლობის მქონე პირთა დამოუკიდებელი ცხოვრების მხარდამჭერი საინფორმაციო-საკონსულტაციო მომსახურების კომპონენტი	460 800
1.2	დამხმარე საშუალებებით უზრუნველყოფის ქვეპროგრამა	8 500 000
1.2.1	ეტლებით უზრუნველყოფისა და შშმ პირთა დასაქმების ხელშეწყობის კომპონენტი	2 000 000
1.2.2	აბაზანის/საპირფარეშოს დამხმარე სკამებით უზრუნველყოფის კომპონენტი	50 000
1.2.3	საპროთეზო-ორთოპედიული საშუალებებით უზრუნველყოფის კომპონენტი	2 800 000
1.2.4	სმენის აპარატებით უზრუნველყოფის კომპონენტი	1 565 000
1.2.5	ყრუ შშმ პირთა ვიდეოკონფერენციის ფუნქციის მქონე ტექნიკური საშუალებით (სმარტფონი) უზრუნველყოფის კომპონენტი	30 000
1.2.6	ყავარჯნებით, ხელჯოხ-ყავარჯნებით, უსინათლოთა ხელჯოხებითა და გადასაადგილებელი ჩარჩოებით უზრუნველყოფის კომპონენტი	35 000
1.2.6.1	ყავარჯნებით, ხელჯოხ-ყავარჯნებითა და გადასაადგილებელი ჩარჩოებით ხელმისაწვდომობის ხელშეწყობის ქვეკომპონენტი	7 000
1.2.7	უსინათლოთა ხელჯოხებით უზრუნველყოფის კომპონენტი	20 000
1.2.8	პერსონალური ამწით უზრუნველყოფის კომპონენტი	2 000 000
1.3	ყრუთა კომუნიკაციის ხელშეწყობის ქვეპროგრამა	80 000
1.4	სათემო ორგანიზაციებში მომსახურებით უზრუნველყოფის ქვეპროგრამა	12 500 000
1.4.1	ხანდაზმულთა და შშმ პირთა ხანგრძლივი ზრუნვის მომსახურებით უზრუნველყოფის კომპონენტი
1.4.2	შშმ პირთა მცირე საოჯახო ტიპის მომსახურების უზრუნველყოფის კომპონენტი: ა) შშმ პირთა დამოუკიდებელი ცხოვრების ხელშემწყობის მცირე საოჯახო ტიპის მომსახურებით უზრუნველყოფის ქვეკომპონენტი; ბ) შშმ პირთა ალტერნატიული საცხოვრისით უზრუნველყოფის ქვეკომპონენტი; გ) ფსიქიკური დარღვევების მქონე შშმ პირთა მცირე საოჯახო ტიპის მომსახურებით უზრუნველყოფის ქვეკომპონენტი
1.4.3	18 წლის და მეტი ასაკის ფსიქიკური დარღვევების მქონე პირთა ალტერნატიული საცხოვრისით უზრუნველყოფის კომპონენტი
1.5	ომის მონაწილეთა რეაბილიტაციის ხელშეწყობის ქვეპროგრამა	20 000
1.6	პერსონალური ასისტენტის მომსახურებით უზრუნველყოფის ქვეპროგრამა	11 300 000
1.7	შინმოვლის მომსახურებით უზრუნველყოფის ქვეპროგრამა	2 000 000
	ჯამი:	39 400 000.“;

ბ) №1.2 დანართის („დამხმარე საშუალებებით უზრუნველყოფის ქვეპროგრამა“) მე-3 მუხლის:

ბ.ა) პირველი და მე-2 პუნქტები ჩამოყალიბდეს შემდეგი რედაქციით:

„1. ამ დანართის მე-2 მუხლით გათვალისწინებული კომპონენტების ფარგლებში (გარდა 1.2.6.1 დანართისა), ასევე წინა წლებში შესყიდული და/ან ვაუჩერით დაფინანსებული, აგრეთვე, დონორული ან სხვა წყაროებიდან მიღებული დამხმარე საშუალებების მოსარგებლეებისათვის განაწილება ან შესაბამისი ვაუჩერების გაცემა ხორციელდება ზრუნვის სააგენტოს გადაწყვეტილებით.

2. ზრუნვის სააგენტო განიხილავს ამ დანართის მე-2 მუხლით გათვალისწინებული დამხმარე საშუალებებით (გარდა 1.2.6.1 დანართისა) დაკმაყოფილების თაობაზე მოქალაქეთა განცხადებებს, მოთხოვნილ დოკუმენტაციასთან ერთად და იღებს გადაწყვეტილებას განმცხადებლის დაკმაყოფილების ან მისთვის უარის თქმის შესახებ, ამ მუხლით დადგენილი წესის შესაბამისად.“;

ბ.ბ) მე-4 პუნქტი ამოღებულ იქნეს;

ბ.გ) მე-5 და მე-6 პუნქტები ჩამოყალიბდეს შემდეგი რედაქციით:

„5. ზრუნვის სააგენტო მიღებული გადაწყვეტილების თაობაზე წერილობითი ან ელექტრონული ფორმით აცნობებს შესაბამის განმცხადებელს გადაწყვეტილების მიღებიდან 7 კალენდარული დღის განმავლობაში. ამასთან, დამხმარე საშუალებით დაკმაყოფილების შესახებ მიღებული გადაწყვეტილების შემდეგ მოსარგებლისთვის გაგზავნილ შეტყობინებაში მიეთითება:

ა) მატერიალიზებული ვაუჩერით დაფინანსების შემთხვევაში – ვაუჩერის მისაღებად ზრუნვის სააგენტოსადმი მიმართვის ვადა, შესაბამისი საქონლის (მომსახურების) ყველა მიმწოდებელი პირის რეკვიზიტები და ამ პირისადმი მიმართვის ვადა;

ბ) დამხმარე საშუალების შესყიდვის/მიღების შემთხვევაში – შესაბამისი საქონლის (მომსახურების) მიმწოდებელი პირის რეკვიზიტები და ამ პირისადმი მიმართვის ვადა.

6. თუ განმცხადებელი ზრუნვის სააგენტოს მიერ გაგზავნილ წერილობით ან ელექტრონულ შეტყობინებაში მითითებულ ვადაში არ მიმართავს ზრუნვის სააგენტოს და/ან შესაბამისი საქონლის (მომსახურების) მიმწოდებელს, დამხმარე საშუალებით დაკმაყოფილების თაობაზე მიღებული შესაბამისი გადაწყვეტილება ითვლება გაუქმებულად.“;

გ) №1.2.1 დანართის („ეტლებით უზრუნველყოფისა და შშმ პირთა დასაქმების ხელშეწყობის კომპონენტი“) მე-5 მუხლის მე-6 პუნქტის „ა.დ“ ქვეპუნქტი ჩამოყალიბდეს შემდეგი რედაქციით:

„ა.დ) „სოციალურად დაუცველი ოჯახების მონაცემთა ერთიან ბაზაში“ რეგისტრირებული იმ ოჯახების წევრები, რომელთა სარეიტინგო ქულა ზრუნვის სააგენტოს მიერ ვაუჩერის გაცემის შესახებ გადაწყვეტილების მიღების მომენტისათვის არ აღემატება 120 000-ს;“;

დ) №1.2.3 დანართის („საპროთეზო-ორთოპედიული საშუალებებით უზრუნველყოფის კომპონენტი“) მე-5 მუხლის მე-6 პუნქტის „ა.ე“ ქვეპუნქტი ჩამოყალიბდეს შემდეგი რედაქციით:

„ა.ე) „სოციალურად დაუცველი ოჯახების მონაცემთა ერთიან ბაზაში“ რეგისტრირებული იმ ოჯახების წევრები, რომელთა სარეიტინგო ქულა ზრუნვის სააგენტოს მიერ ვაუჩერის გაცემის შესახებ გადაწყვეტილების მიღების მომენტისათვის არ აღემატება 120 000-ს;“;

ე) №1.4.2 დანართის („შშმ პირთა მცირე საოჯახო ტიპის მომსახურების უზრუნველყოფის კომპონენტი“) მე-3 მუხლის მე-4 პუნქტი ჩამოყალიბდეს შემდეგი რედაქციით:

„4. „შშმ პირთა ალტერნატიული საცხოვრისით უზრუნველყოფის ქვეკომპონენტის“ სამიზნე ჯგუფს განეკუთვნებიან ზრუნვის სააგენტოს ფილიალების 18 წლისა და უფროსი ასაკის მქონე მოსარგებლეები. ასევე შშმ პირები, რომლებიც საჭიროებენ ქვეკომპონენტის ღონისძიებებით გათვალისწინებულ მომსახურებას.“;

ვ) №1.6 დანართის („პერსონალური ასისტენტის მომსახურებით უზრუნველყოფის ქვეპროგრამა“) მე-5 მუხლის პირველი პუნქტი ჩამოყალიბდეს შემდეგი რედაქციით:

„1. პროგრამის ბიუჯეტი განისაზღვრება 11 300 000 ლარით, რომელიც დელეგირებული უფლებამოსილების ფარგლებში მიზნობრივი ტრანსფერის სახით გადაეცემა მუნიციპალიტეტს.“.

2. №2 დანართის („ბავშვზე ზრუნვისა და ახალგაზრდების მხარდაჭერის 2026 წლის სახელმწიფო პროგრამა“):

ა) მე-2 მუხლის მე-2 პუნქტი ჩამოყალიბდეს შემდეგი რედაქციით:

„2. პროგრამით, რომლის ბიუჯეტი შეადგენს 85 100 000 ლარს, გათვალისწინებული ქვეპროგრამებია/კომპონენტებია:

დანართის №	პროგრამის დასახელება	ბიუჯეტი/ ლარი
2.1	ბავშვიანი ოჯახების საკვები პროდუქტებით დახმარების ქვეპროგრამა	4 500 000
2.1.1	კრიზისულ მდგომარეობაში მყოფი ბავშვიანი ოჯახების დახმარების კომპონენტი
2.1.2	ხელოვნური კვების საჭიროების მქონე ბავშვთა საკვები პროდუქტებით უზრუნველყოფის კომპონენტი
2.1.3	ფენილკეტონურიის/ცელიაკიის/ჰომოცისტინურიის საკვები პროდუქტებით უზრუნველყოფის კომპონენტი
2.2	ბავშვთა ადრეული განვითარების ხელშეწყობის ქვეპროგრამა	14 800 000
2.3	ბავშვთა რეაბილიტაცია/აბილიტაციის ქვეპროგრამა	26 300 000
2.4	დღის ცენტრებში მომსახურებით უზრუნველყოფის (6-იდან 18 წლამდე შშმ სტატუსის მქონე და არმქონე ბავშვები) ქვეპროგრამა	7 000 000
2.4.1	6-დან 18 წლამდე ასაკის ბავშვების სოციალური ინკლუზიის დღის ცენტრებში მომსახურებით უზრუნველყოფის კომპონენტი
2.4.2	6-დან 18 წლამდე ასაკის შშმ ბავშვების დღის ცენტრებში მომსახურებით უზრუნველყოფის კომპონენტი
2.4.3	მძიმე და ღრმა გონებრივი განვითარების შეფერხების მქონე ბავშვების დღის ცენტრებში მომსახურებით უზრუნველყოფის (6-დან 18 წლამდე შშმ სტატუსის მქონე ბავშვები) კომპონენტი
2.4.4	ანტისოციალური და რთული ქცევის მქონე მოზარდების დღის ცენტრებში მომსახურებით უზრუნველყოფის კომპონენტი
2.4.5	სახელმწიფო ზრუნვაში მყოფი ბავშვების ფსიქოსოციალური კონსულტირების მომსახურებით უზრუნველყოფის კომპონენტი
2.5	დედათა და ბავშვთა თავშესაფრით უზრუნველყოფის ქვეპროგრამა	1 000 000
2.6	მინდობით აღზრდის ქვეპროგრამა	16 585 000
2.7	მცირე საოჯახო ტიპის სახლებში მომსახურებით უზრუნველყოფის ქვეპროგრამა	4 000 000
2.7.1	მცირე საოჯახო ტიპის სახლებში მომსახურებით უზრუნველყოფის კომპონენტი
2.7.2	სპეციალიზებულ მცირე საოჯახო ტიპის სახლებში რთული ქცევის მართვის მომსახურებით უზრუნველყოფის კომპონენტი
2.8	მიუსაფარ ბავშვთა ინტეგრირებული მხარდაჭერით უზრუნველყოფის ქვეპროგრამა	1 300 000
2.8.1	მობილური ჯგუფით მომსახურების უზრუნველყოფის კომპონენტი
2.8.2	მიუსაფარ ბავშვთა დღის ცენტრის მომსახურებით უზრუნველყოფის კომპონენტი
2.8.3	მიუსაფარ ბავშვთა სადღეღამისო თავშესაფრით მომსახურების უზრუნველყოფის კომპონენტი
2.9	განვითარების მძიმე და ღრმა შეფერხების მქონე ბავშვთა ბინაზე მომსახურებით უზრუნველყოფის ქვეპროგრამა	6 000 000
2.9.1	შშმ ბავშვთა ბინაზე მოვლის კომპონენტი
2.9.2	7-იდან 18 წლამდე ასაკის რთული ქცევის მქონე ბავშვთა ბინაზე მომსახურებით უზრუნველყოფის კომპონენტი
2.9.3	შეზღუდული შესაძლებლობის მქონე სრულწლოვან პირთა ბინაზე ასისტენტით უზრუნველყოფის კომპონენტი
2.10	მძიმე და ღრმა შეზღუდული შესაძლებლობის ან ჯანმრთელობის პრობლემების მქონე ბავშვთა სპეციალიზებული საოჯახო ტიპის მომსახურების ქვეპროგრამა	1 050 000
2.11	მზრუნველობამოკლებული ბავშვების რეინტეგრაციის ქვეპროგრამა	700 000
2.12	სახელმწიფო ზრუნვის სისტემიდან გასული 18 − 21 წლამდე ახალგაზრდების მხარდაჭერის ქვეპროგრამა	225 000
2.13	სახელმწიფო ზრუნვის სისტემიდან გასული 18 − 21 წლამდე ახალგაზრდების საკვები პროდუქტებით უზრუნველყოფის ქვეპროგრამა	40 000
2.14	ხანგრძლივი პედიატრიული მოვლის სამედიცინო-სოციალური ცენტრის მომსახურების ქვეპროგრამა	1 600 000
	ჯამი:	85 100 000.“;

ბ) №2.2 დანართის („ბავშვთა ადრეული განვითარების ხელშეწყობის ქვეპროგრამა“) მე-5 მუხლის პირველი პუნქტი ჩამოყალიბდეს შემდეგი რედაქციით:

„1. ქვეპროგრამის ბიუჯეტი განისაზღვრება 14 800 000 ლარით.“;

გ) №2.3 დანართის („ბავშვთა რეაბილიტაცია/აბილიტაციის ქვეპროგრამა“) მე-5 მუხლის პირველი პუნქტი ჩამოყალიბდეს შემდეგი რედაქციით:

„1. ქვეპროგრამის ბიუჯეტი განისაზღვრება 26 300 000 ლარით.“.

მუხლი 2

დადგენილება ამოქმედდეს გამოქვეყნებისთანავე.

პრემიერ-მინისტრი ირაკლი კობახიძე