„საქართველოს ფინანსთა სამინისტროს საგამოძიებო სამსახურის მოსამსახურეთათვის სახელმწიფო სპეციალური წოდებების მინიჭების შესახებ დებულების და სახელმწიფო სპეციალური წოდებების დანამატების დამტკიცების თაობაზე“ საქართველოს ფინანსთა მინისტრის 2019 წლის 12 დეკემბრის №387 ბრძანებაში ცვლილების შეტანის შესახებ

1. მე-4 მუხლის:

ა) „ა“ და „ბ“ ქვეპუნქტები ჩამოყალიბდეს შემდეგი რედაქციით:

„ა) გენერალ-მაიორი  – სამსახურის უფროსი, სამსახურის უფროსის პირველი მოადგილე, სამსახურის უფროსის მოადგილე, დეპარტამენტის უფროსი (გარდა ამ მუხლის „ბ“ ქვეპუნქტით გათვალისწინებული დეპარტამენტების უფროსებისა); გენერალური ინსპექციის (დეპარტამენტის) უფროსი;

ბ) პოლკოვნიკი  – ადმინისტრაციის (დეპარტამენტის) უფროსი, სტრატეგიული კომუნიკაციების დეპარტამენტის უფროსი, დეპარტამენტის უფროსის მოადგილე, გენერალური ინსპექციის (დეპარტამენტის) უფროსის მოადგილე, მთავარი სამმართველოს უფროსი/მოადგილე, სამმართველოს უფროსი/მოადგილე, სპეციალური დანიშნულების რაზმის უფროსი/მოადგილე;“;

ბ) „დ“ და „ე“ ქვეპუნქტები ჩამოყალიბდეს შემდეგი რედაქციით:

„დ) მაიორი  – გამომძიებელი, მონაცემთა ანალიტიკის, პროგრამული მართვის და სტატისტიკის სამმართველოს უფროსი ინსპექტორ-გამომძიებელი, ოპერატიული აღრიცხვის სამმართველოს უფროსი ინსპექტორ-გამომძიებელი, ინსპექტორ-გამომძიებელი (გარდა ამ მუხლის „ე“ ქვეპუნქტით გათვალისწინებული სამმართველოს ინსპექტორ-გამომძიებლისა), ოპერატიული თანამშრომელი, მთავარი ინსპექტორი, მთავარი სპეციალისტი;

ე) კაპიტანი  – მონაცემთა ანალიტიკის, პროგრამული მართვის და სტატისტიკის სამმართველოს ინსპექტორ-გამომძიებელი, ინსპექტორი, უფროსი ინსპექტორი,  უფროსი სპეციალისტი;“.

2. მე-5 მუხლის მე-13 პუნქტი ჩამოყალიბდეს შემდეგი რედაქციით:

„13. საგამოძიებო სამსახურის მოსამსახურისათვის მორიგი სპეციალური ან/და ვადამდელი წოდების  მინიჭებამდე, ამ მუხლის  მე-14 პუნქტით  გათვალისწინებული შესაძლო ხელშემშლელი მასალების არსებობის ფაქტი, შესაბამისი წერილობითი მოთხოვნის საფუძველზე, მოწმდება საგამოძიებო სამსახურის გენერალურ ინსპექციაში (დეპარტამენტში).“.