„აბაშის მუნიციპალიტეტის მერიის დებულების დამტკიცების შესახებ’’ აბაშის მუნიციპალიტეტის საკრებულოს 2026 წლის 30 ივნისის №14 დადგენილებაში ცვლილების შეტანის თაობაზე

1. მე-6 მუხლის მე-2 პუნქტი ჩამოყალიბდეს შემდეგი  რედაქციით:

,,2. მერი აირჩევა 4 წლის ვადით, პირდაპირი არჩევნებით, საყოველთაო, თანასწორი საარჩევნო უფლების საფუძველზე, ფარული კენჭისყრით, საქართველოს ორგანული კანონით „საქართველოს საარჩევნო კოდექსი“ დადგენილი წესით. მერად შეიძლება აირჩეს საარჩევნო უფლების მქონე საქართველოს მოქალაქე 25 წლის ასაკიდან, რომელსაც საქართველოში უცხოვრია 6 თვეს მაინც.“.

2. მე-12 მუხლის მე-3 პუნქტი ჩამოყალიბდეს შემდეგი რედაქციით:

,,3. სივრცითი მოწყობისა და ინფრასტრუქტურის სამსახურის ძირითადი ფუნქციებია: მუნიციპალური ინფრასტრუქტურის განვითარების, კეთილმოწყობის, სივრცით-ტერიტორიული მოწყობის დაგეგმვის, ქალაქთმშენებლობის დოკუმენტების შემუშავება და მათი განხორციელების უზრუნველყოფა, მშენებლობის ნებართვების თაობაზე გადაწყვეტილებების მომზადება, სტიქიური სიტუაციების პრევენციის და მათზე ოპერატიული რეაგირების უზრუნველყოფა, არსებული რისკების ანალიზი და შესაბამისი პრევენციული და სალიკვიდაციო ღონისძიებების გეგმების შემუშავება.“.