ბაღდათის მუნიციპალიტეტის როხის ადმინისტრაციულ ერთეულში, სოფელ როხში მე-7 ქუჩაზე ჩიხების მიერთების შესახებ

1.  შეტანილი იქნეს ცვლილება „ბაღდათის მუნიციპალიტეტის სოფელ როხის ქუჩების სახელდების, საცხოვრებელი და არასაცხოვრებელი შენობა-ნაგებობების გადანომრის შესახებ“ ბაღდათის მუნიციპალიტეტის საკრებულოს 2012 წლის 1 ივნისის №204 განკარგულებაში და ბაღდათის მუნიციპალიტეტის როხის ადმინისტრაციულ ერთეულში მდებარე სოფელ როხში, მე-7 ქუჩას მიუერთდეს მე-13 ქუჩის I ჩიხი, ასევე, ზვიად კაცაძის ქუჩის I ჩიხი და თანდართული ორთოფოტოს შესაბამისად მიერთებული ჩიხების გათვალისწინებით მე-7 ქუჩა ჩამოყალიბდეს თანდართული ორთოფოტოს შესაბამისად (საკადასტრო კოდი 30.04.00.000), რომელიც მოიცავს : X -309248; Y-4664232 (ქუჩის დასაწყისი) და X –309810; Y -4663991 (ქუჩის დასასრული) ( ორთოფოტო თან ერთვის).

2. ბაღდათის მუნიციპალიტეტის მერიამ 4 თვის ვადაში უზრუნველყოს განკარგულების შესასრულებლად კონკრეტული ღონისძიებების გატარება (აბრების, ფირნიშების, რუკების (არსებობის შემთხვევაში), ცნობარების და სხვა დამზადება, კორექტირება, გავრცელება და სხვა).

3. დაევალოს ბაღდათის მუნიციპალიტეტის საკრებულოს პირველად სტრუქტურულ ერთეულს (შემდგომში-საკრებულოს აპარატს), განკარგულების მიღებიდან 10 დღის ვადაში საკრებულოს გადაწყვეტილება გადაუგზავნოს: საქართველოს იუსტიციის სამინისტროს მმართველობის სფეროში მოქმედ საჯარო სამართლის იურდიულ პირს-სახელმწიფო სერვისების განვითარების სააგენტოს, მონაცემთა ბაზაში ცვლილების შეტანის მიზნით, საქართველოს შინაგან საქმეთა სამინისტროსა და საქართველოს ცენტრალურ საარჩევნო კომისიას, აგრეთვე სსიპ საჯარო რეესტრის ეროვნულ სააგენტოს.

4. საკრებულოს აპარატმა საკრებულოს გადაწყვეტილების მიღებიდან 10 დღის ვადაში უზრუნველყოს განკარგულების გამოქვეყნება „საქართველოს საკანონმდებლო მაცნეს“ ვებგვერდზე.

5. განკარგულება ძალაშია ხელმოწერისთანავე.

6. განკარგულება შეიძლება გასაჩივრდეს კანონმდებლობით დადგენილი წესით ქ. ქუთაისის საქალაქო სასამართლოში (ქ. ქუთაისი, კუპრაძის ქ. №11) ხელმოწერიდან ერთი თვის ვადაში.

საკრებულოს თავმჯდომარე: გურამი კიკნაველიძე