„საქართველოს შინაგან საქმეთა სამინისტროს მიგრაციის დეპარტამენტის დებულების დამტკიცების შესახებ“ საქართველოს შინაგან საქმეთა მინისტრის 2014 წლის 6 აგვისტოს №588 ბრძანებაში ცვლილების შეტანის თაობაზე

1. მე-5 მუხლს დაემატოს შემდეგი შინაარსის „დ²“ და „დ³“ ქვეპუნქტები:

„დ²) „შრომითი მიგრაციის შესახებ“ საქართველოს კანონით განსაზღვრული უფლებამოსილების ფარგლებში, ამავე კანონით გათვალისწინებული ადმინისტრაციული სამართალდარღვევის გამოვლენის მიზნით საქართველოს კანონმდებლობით გათვალისწინებული ღონისძიებების განხორციელება და აღნიშნული კანონით გათვალისწინებული სამართალდარღვევის ჩადენის შემთხვევაში ადმინისტრაციული სახდელის დადება;

დ³) უკანონო მიგრაციის წინააღმდეგ ბრძოლის, უკანონო მიგრაციის პრევენციისა და აღკვეთის, ასევე საქართველოში კანონიერი საფუძვლის გარეშე მყოფი უცხოელის გამოვლენის მიზნით ოპერატიულ-სამძებრო ღონისძიებების განხორციელება, საქართველოს კანონმდებლობით დადგენილი წესით;“.

2. მე-9 მუხლის მე-2 პუნქტის:

ა) „ვ“ ქვეპუნქტი ჩამოყალიბდეს შემდეგი რედაქციით:

„ვ) იღებს საქართველოს კანონმდებლობით დადგენილი წესით, საქართველოში კანონიერი საფუძვლის გარეშე მყოფი უცხოელის ან იმ უცხოელის, რომლის მიმართაც დაწყებულია გაძევების საკითხის შესწავლა, თითების ანაბეჭდებსა და ხელისგულების ანაბეჭდებს, აგრეთვე უღებს მას ფოტოსურათს;“;

ბ) „ზ¹“ ქვეპუნქტის შემდეგ დაემატოს შემდეგი შინაარსის „ზ²“ და „ზ³“ ქვეპუნქტები:

„ზ²) „შრომითი მიგრაციის შესახებ“ საქართველოს კანონით განსაზღვრული უფლებამოსილების ფარგლებში, ამავე კანონით გათვალისწინებული ადმინისტრაციული სამართალდარღვევის გამოვლენის მიზნით ახორციელებს საქართველოს კანონმდებლობით გათვალისწინებულ ღონისძიებებს და აღნიშნული კანონით გათვალისწინებული სამართალდარღვევის ჩადენის შემთხვევაში აკისრებს ადმინისტრაციულ სახდელს;

ზ³) უკანონო მიგრაციის წინააღმდეგ ბრძოლის, უკანონო მიგრაციის პრევენციისა და აღკვეთის, ასევე საქართველოში კანონიერი საფუძვლის გარეშე მყოფი უცხოელის გამოვლენის მიზნით ახორციელებს ოპერატიულ-სამძებრო ღონისძიებებს, საქართველოს კანონმდებლობით დადგენილი წესით;“;

გ) „თ“ ქვეპუნქტის შემდეგ დაემატოს შემდეგი შინაარსის „თ¹“ ქვეპუნქტი:

„თ¹) საქართველოს კანონმდებლობით გათვალისწინებულ შემთხვევებში, თავშესაფრის პროცედურის ფარგლებში აკავებს უცხოელს ან/და თავშესაფრის მაძიებელს და საჭიროების შემთხვევაში ასევე ახორციელებს „პოლიციის შესახებ“ საქართველოს კანონით გათვალისწინებულ ღონისძიებებს;“.

3. მე-10 მუხლის მე-2 პუნქტის „ა“ ქვეპუნქტი ჩამოყალიბდეს შემდეგი რედაქციით:

„ა) ახორციელებს საერთაშორისო დაცვაზე განცხადების დასაშვებობის საკითხის განხილვას და თავშესაფრის საკითხებთან დაკავშირებულ სხვა პროცედურებს, აგრეთვე თავშესაფრის მაძიებლის ცნობის მომზადებას;“.

4. მე-11 მუხლის მე-2 პუნქტის:

ა) „ბ“ ქვეპუნქტი ჩამოყალიბდეს შემდეგი რედაქციით:

„ბ) აკონტროლებს და ორგანიზებას უწევს დეპარტამენტში (საერთაშორისო დაცვის მოთხოვნის მსურველ) უცხოელთა ვიზიტების განრიგის შედგენას, ახორციელებს განცხადებების, მათ შორის, საერთაშორისო დაცვაზე განცხადებების მიღება-რეგისტრაციას და მიღება-რეგისტრაციასთან დაკავშირებული საქართველოს კანონმდებლობით დადგენილი პროცედურების განხორციელებას, მათ შორის, საქართველოს კანონმდებლობით დადგენილი წესით უცხოელის თითების ანაბეჭდებისა და ხელისგულების ანაბეჭდების აღებას და ფოტოსურათის გადაღებას, აგრეთვე უზრუნველყოფს თავშესაფრის მაძიებლის ცნობის გაცემას;“;

ბ) „ნ“ ქვეპუნქტის შემდეგ დაემატოს შემდეგი შინაარსის „ნ¹“ ქვეპუნქტი:

„ნ¹) აწარმოებს საარქივო საქმიანობას;“.

5. მე-12 მუხლის მე-2 პუნქტს დაემატოს შემდეგი შინაარსის „ე⁶“–„ე^8“ ქვეპუნქტები:

„ე⁶) „შრომითი მიგრაციის შესახებ“ საქართველოს კანონით განსაზღვრული უფლებამოსილების ფარგლებში, ამავე კანონით გათვალისწინებული ადმინისტრაციული სამართალდარღვევის გამოვლენის მიზნით ახორციელებს საქართველოს კანონმდებლობით გათვალისწინებულ ღონისძიებებს და აღნიშნული კანონით გათვალისწინებული სამართალდარღვევის ჩადენის შემთხვევაში აკისრებს ადმინისტრაციულ სახდელს;

ე⁷) საქართველოს კანონმდებლობით დადგენილი წესით, იღებს დროებითი განთავსების ცენტრში მოთავსებული უცხოელის თითების ანაბეჭდებსა და ხელისგულების ანაბეჭდებს, ასევე უცხოელს უღებს ფოტოსურათს;

ე⁸) საქართველოს კანონმდებლობით გათვალისწინებულ შემთხვევებში, თავშესაფრის პროცედურის ფარგლებში ახორციელებს უცხოელის ან/და თავშესაფრის მაძიებლის დაკავებას და დროებითი განთავსების ცენტრში/დროებითი მოთავსების იზოლატორში გადაყვანას/ესკორტირებას, ასევე, „პოლიციის შესახებ“ საქართველოს კანონით გათვალისწინებულ ღონისძიებებს;“.

6. მე-14 მუხლს დაემატოს შემდეგი შინაარსის „ა¹“ ქვეპუნქტი:

„ა¹) უნებართვოდ მცხოვრებ პირთა რეადმისიის შესახებ საქართველოს მიერ გაფორმებული შეთანხმებების საფუძველზე მონაწილეობს საჰაერო ტრანსპორტის მეშვეობით უცხოეთში კანონიერი საფუძვლის გარეშე მყოფი საქართველოს მოქალაქის საქართველოში დაბრუნების ღონისძიებაში;“.

7. მე-15 მუხლს დაემატოს შემდეგი შინაარსის „ზ¹“ ქვეპუნქტი:

„ზ¹) უნებართვოდ მცხოვრებ პირთა რეადმისიის შესახებ საქართველოს მიერ გაფორმებული შეთანხმებების საფუძველზე მონაწილეობს საჰაერო ტრანსპორტის მეშვეობით უცხოეთში კანონიერი საფუძვლის გარეშე მყოფი საქართველოს მოქალაქის საქართველოში დაბრუნების ღონისძიებაში;“.