დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „საქართველოს სახელმწიფო უსაფრთხოების სამსახურში სამსახურის გავლის წესის დამტკიცების შესახებ“ საქართველოს სახელმწიფო უსაფრთხოების სამსახურის უფროსის 2015 წლის 1 აგვისტოს №1 ბრძანებაში ცვლილების შეტანის თაობაზე | |
|---|---|
| დოკუმენტის ნომერი | 205 |
| დოკუმენტის მიმღები | საქართველოს სახელმწიფო უსაფრთხოების სამსახურის უფროსი |
| მიღების თარიღი | 02/10/2026 |
| დოკუმენტის ტიპი | საქართველოს სახელმწიფო უსაფრთხოების სამსახურის უფროსის ბრძანება |
| გამოქვეყნების წყარო, თარიღი | ვებგვერდი, 02/10/2026 |
| სარეგისტრაციო კოდი | 130000000.63.075.016243 |
|
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტისა და „საქართველოს სახელმწიფო უსაფრთხოების სამსახურის დებულების დამტკიცების შესახებ“ საქართველოს მთავრობის 2015 წლის 30 ივლისის №385 დადგენილებით დამტკიცებული დებულების მე-4 მუხლის მე-2 პუნქტის „ა“ და „ბ“ ქვეპუნქტების საფუძველზე, ვბრძანებ: |
| მუხლი 1 |
„საქართველოს სახელმწიფო უსაფრთხოების სამსახურში სამსახურის გავლის წესის დამტკიცების შესახებ“ საქართველოს სახელმწიფო უსაფრთხოების სამსახურის უფროსის 2015 წლის 1 აგვისტოს №1 ბრძანებაში (ვებგვერდი, www.matsne.gov.ge, 03/08/2015, სარეგისტრაციო კოდი: 130000000.63.075.016001) შეტანილ იქნეს ცვლილება და ბრძანებით დამტკიცებული წესის:
1. 29-ე მუხლის მე-2 პუნქტის „თ“ ქვეპუნქტის შემდგომ დაემატოს შემდეგი შინაარსის „თ1“ ქვეპუნქტი: „თ1) სახელმწიფო საიდუმლოების შესახებ საქართველოს კანონმდებლობით გათვალისწინებულ მოთხოვნებთან შეუსაბამობის გამო;“. 2. 37-ე მუხლის შემდგომ დაემატოს შემდეგი შინაარსის 371 მუხლი: „მუხლი 371. დათხოვნა სახელმწიფო საიდუმლოების შესახებ საქართველოს კანონმდებლობით გათვალისწინებულ მოთხოვნებთან შეუსაბამობის გამო მოსამსახურე შეიძლება დათხოვნილ იქნეს სამსახურიდან იმ შემთხვევებში, როდესაც სახელწიფო საიდუმლოების შესახებ საქართველოს კანონმდებლობით დადგენილი წესით არ გაიცა ან გაუქმდა სახელმწიფო საიდუმლოებასთან შესაბამისი ფორმის ინდივიდუალური დაშვება.“. |
| მუხლი 2 |
ეს ბრძანება ამოქმედდეს გამოქვეყნებისთანავე. |
|
დოკუმენტის კომენტარები